G'SCHAMSTER DIENER, HABE D'EHRE und SERVAS!


Vüh vo Eich kennan mi jo inzwischen e scho ois an speziöhn Hawara vo unsare Zombie -Buam. Wia i gsehn hob, wie leiwand des hihaut mit den vühn Fans vo meine Buam, de Bloodsucking Zombies From Outer Space, woa i ganz inspiriert und hättat ma docht, des Ganze miassat ma do no insofern besser mochn kennan, dass olle Betäulichtn wos davo hom, indem ma an offiziöhn, haßt „vo da Band obgsegnetn“, Fanclub draus mocht.

Da Fanclub soi de bestn und treuestn Fans vo de BZFOS auf a Packl haun, oiso die, de a wirkli gern wos fia die Band tan woin, die aktiv beim Remmidemmi rund um unsare vier Horrorbillies dabei sein woin. Und dafia, wäu des die Buam so taugt, gibt‘s vo eanara Seitn imma wieda amoi Speziäul-Goodies, unterfitzlte Gimmicks und no vüh andere ‚zombified special‘-Gschichtln , die wos garantiert sunst kana hod! Und wer mi kennt, der waß jo e, dass i a ordentlicha Sturschädl bin, a mordszacha Verhandler, der den Buam imma wieda am Senkl gehn wird, auf dass a eana des nächste bsondare Goodie aussareißt. ;-)

Oiso, mit am Wuat: Noch launge, zache Verhandlungen – und a poa Blech – stöh i Eich volla Stoiz vor… Die bzw. den…


ARMY OF ZOMBIES – OFFICIAL BZFOS FANCLUB


So. Wäu i owa quasi a ‚Klassiker‘ bin, der, wie Ihr wissts, mit ana bsonderen Leidenschoft üwa des ganze Neimoderne Klumps heaziagt und dabei oft und gern des 5er-Liadl vo da Mörder Blues-CD austimmt – Richtig, des warad des „Oasch und Leiwand“ – hättat i ma docht, es gheat si afoch, dass ma dem allmächtign Internet auf jedn Foi wos dagegn hoidt – und deshoib is der Fanclub definitiv „OLDSCHOOL“ – des haßt, Ihr kriagts vo Zeit zu Zeit vo mir und den Buam auch (oda sogoa) a echte Post in Eicha echtes Briafkastl! Oiso, fois Ihr des Briafkastl heitzutogs überhaupt no findets. Und weiters schickt Eich da Präsi söwa imma wieda amoi Neiichkeitn (Njuhs-Letta, wia ma sogt) via email und hoit Eich somit persönlich am Laufenden.

Oiso wird a de Beitrittsprozedur ‚fost ganz analog‘ sein, des werdts owa e glei merkn, wenns amoi auf „JOIN NOW“ druckt hobts.

‚Drum hebt’s Eichre Glasln…‘
D'Ehre, „Eicha zukünftiger Präsi“
Ludwig